Ш. Уәлихановтың туғанына 190 жылға арналған «Менің Қазақстаным» әдеби-танымдық іс-шарасы

«Жәлел Қизатов атындағы жоғары ауыл шаруашылығы колледжі» КМҚК кітапханасында көрнекті ағартушы, тарихшы, географ, этнограф Ш. Уәлихановтың туғанына 190 жыл толуына арналған «Менің Қазақстаным» тақырыбында әдеби-танымдық іс-шара «Адал азамат» бағдарламасының «Ұшқыр ой алаңы» жобасы аясында өткізілді.

Іс-шараның мақсаты: студенттердің Ш. Уәлихановтың өмірі мен ғылыми мұрасы туралы білімін кеңейту, туған өлке тарихына қызығушылығын арттыру және интерактивті әдістер арқылы командалық жұмыс дағдыларын дамыту.

Іс-шара барысында білім алушылар үш командаға бөлініп, келесі форматтарға қатысты:

• «Менің Қазақстаным» онлайн-квизі — Қазақстан тарихы мен мәдениетіне арналған викторина;
• «Ш. Уәлихановтың маршруттары» интеллектуалдық ойыны — ғалымның зерттеу бағыттары мен сапарларына қатысты тапсырмаларды орындау;
• білгірлер турнирі — білім мен жылдам ойлау қабілетін сынға салған командалық сайыс.

Іс-шара мазмұнды әрі әсерлі өтіп, студенттердің белсенділігін арттырды, тарихи мұраға құрметін күшейтті және «Адал азамат» құндылықтарын нығайтуға ықпал етті.